Amavasya

Raat ke kaale rang mein

Ye baadal kuch ghul sa gaya hai.

Kahin chupa aasamn mein,

Ki rasta bhool sa gaya hai?

Chand ki chaandni fiki

Aur roshni in taaron ki dhul si gai hai

Kya amavas ki raat hai ye?

Ki aasman mein saare, kuch rul se gaye hain?

Dhal jaaega andhera,

Surya ke kiran se darta hai ye kaala rang.

Sambhal jaaega har musafir,

Jab chhat par leheraaega neela rang.

Laut aaega wo kal,

Hogi shuru zindagi, jis mod par chhod aaye the.

Andhere mein bhatakte, seekhe paitron se,

Kal hum kisi nayi oor jaaenge.

A Kingdown Above

I dived into the sky and it feels like heaven up here,

I write this while swimming in the ocean of clouds, as land & water disappear.

Flying way above many and piercing through some like a spear,

I defy gravity because this is my kingdom… who is he to interfere!

Unlike the Kings, who planned to conquer just the land…

I fly without purpose above the world, admiring everything they couldn’t.

Throughout the ages, they fought for the sand,

Here I am conquering something, even the smartest emperors couldn’t.

The wind is my loyal soldier, yes I command the strongest army,

For no sword can cut through it, nor any weapon can cause damage.

Yet I don’t plan to take over the weaker kingdoms or empires,

I just want to admire the beauty worn by nature instead of causing carnage.

Kaagaz ke Panne

Kaagaz ke panno se,
Dil ki baatein kiya karta hoon.
Sunte ye nahi,
FIr bhi kahaniyan kaha karta hoon.

Dhadkane na sahi,
Dil ke zakhmo ko samajhte hai ye panne.
Logon ko nahi,
Par unki neeyat samajhte hain ye panne.

Hai vehem ye tumhe,
Ki pehechaante ho tum mujhe.
Tumse to kahi behtar,
Ye panne jaante hai mujhe.

Dil ye bewafa

Dil ye karta aawargi

Aur dhoondta saadgi hai

Dil se chahta hoon sukoon

Par deta baychaini hai

Palat jaata hai apni hi waadon se

Pighal jaata hai kisi ki bhi baaton se

Dekhe har kisam k matlabi isne

Par akal na aai diye gaye dhokon se

Duniya daari ki choonar ne odh liya hai ise

Fikrein hain doosron ki, khud ko jod liya hai isne

Na apno ne, na parayo na dhoka diya hai ise

Wafaien nibhate, ye bewafa ban baitha hai khud se.

Baarish

Aasmaan ka rang kuch badal sa gaya hai.
Suraj bhi chipkar, kuch dhal sa gaya hai.
Kuch nayasa lagne laga hai ye jahan.
Haan ye mausam, kuch badal sa gaya hai.

Un baadalon ko cheerkar, ye kirnay sambhal gai.
Garam mijaaz tha jinka,Wo thand se pigal gai.
Ab toh yeh kaala rang bhi sunhera lagne laga hai.
In baadalon aur pyar ka rishta bhi gehera lagta hai.

Us mitti ki khushboo kay bhi, log deewanay ho gaye.
Is mausam mein saare phool begaane ho gaye.
Kuch aisa jaadoo hai baarish kay is mausam ka.
Ki paani baraste hi, hum sab madhosh ho gaye.

मतभेद

Kyun har insaan doosre se alag hai?

Kyun uski pehechaan, rupyon ki ek sarhad hai?

Uska sanmaan; uska roop, uska rang hai.

Humein is taraha banane ka, ye uss ooparwaale ka hi dhang hai.

Krishna bankar usne sabhi k sang rehna chaha hai,

Insaano aur Jaanwaron ko prem karna sikhaya hai.

Jesus bankar usne kurbaan hona sikhaya hai,

Kabhi na apne prati, kisi maasoon ka lahoo bahana chaha hai.

Kyun kehe diya ki Allah hi tera naam hai,

Amreeki ho ya Hindustaani, kehte to tujhe Bhagwaan hai.

Kyun keh diya ki tu Hindu, yeh Musilmaan hai,

Humein ladta dekhkar Jaanwar bhi kehta, yehto saala Insaan hai.

Boli alag, zubaan sabhi ko ek hai,

Bolte hai sabhi; istimaal karta koi nek hai.

Kyun kehte hai tu humsa nahi; karte bhed, lagate bhaav hain,

Majboor na karo itna ki humein dikhlana pade, humare seenay mein kitne ghaav hain.